सोलुखुम्बु : सोलुखुम्बुबाट छुटेको जिप ओखलढुंगाको हर्कपुरमा दुर्घटना भएको छ । आज बिहान पुर्वको लागि छुटेको जिप हर्कपुरमा दुर्घटना हुँदा दुई जना प्रहरीको मृत्यु भएको छ ।
ओखलढुंगाका प्रमुख जिल्ला अधिकारी दिल कुमार तामाङले एक जना प्रहरी हवलदार र एक जना जवानको मृत्यु भएको भन्ने जानकारी प्राप्त भएपनि थप विवरण आउँन बाँकी रहेको बताउँनुभयो ।
जिपमा ९ जना सवार रहेको भएपनि के कति घाइते भएभन्ने विषयमा समेत जानकारी लिने काम भइरहेको उहाँको भनाई छ । अहिले घाइतेको घुर्मीमा प्राथमिक उपचार भईरहेको बताइएको छ । यस्तै जटिल अवस्थाकालाई थप उपचारको लागि काठमान्डौ लैजान हेलिकोप्टर संग समन्वय भइरहेको सिडिओ तामाङले बताउँनुभयो । प्रहरीका अनुसार अहिले उद्धार कार्य जारी छ ।
घटना स्थलमा ओखलढुंगाका प्रहरी नायव उपरीक्षक सहितको टोली पुगेको छ । अन्य थप विवरण आउन बाँकी छ ।
