स्यारखुम्बु : जबमुलिङकी तेरी सिसिन थेन्बु च्योमोलोङमाकी पाङदु वतु खुम्बु पासाङल्हमु गाउँपालिकाला नेपाल कम्युनिष्ट पार्टी (नेकपा) छ्याप्सी स्योखाकी कमिटी गो चुसुङ । जोङखाकी यम्बा साने स्योखाकी लो च्यिग ताङ छेका गोमान्ये ज्युन् गो चुवु यिन्सिनाङ तुछो वाङी गोमान्ये ज्युन दि गाउँपालिकाला चिग्ढिलकी ल्याििरम ताङ सपथ लिङगु ल्यारिम कि माथुपु यिन् । ल्हाक्पा खा ग्याकु ताङ गाउँपालिकाकी चिख्याप ङिम दोर्जी श्यार्वा गोङवा जोउ, दुकराङ क्यानी स्योखाकी नाङस्योगकी ठाल्डिक कि माथुपु तङ कोरोना नेयमकी जोसा ल्येन्सी दि सपथ लिङगु ल्यारिम गोढिक किरुला फिउ यिन् ।
खर्चे असोज गते २९ जा फुर्वी छेन्मु लुक्लाला गोढिक क्याउ ल्यारिमला जोङखाकी च्यिाख्याप याङना ङदे च्यिग की छोक्मी याङना १ नंं प्रदेश कमिटी सदस्य मानबीर राईकी ल्हाक्पा गेल्जेन शेर्वी चिख्यापला गो चुवु छोक्मी ५७ तेरीला सपथ ग्रहण क्याउ यिन् । ल्यारिमला सुङस्येत् ज्योकिन् खुम्बु पासाङल्हमु गाउँपालिकाला नेपाका स्योखाकी मिमाङकी नासाम ताङ्गु दोके क्यानी यार्गेकी ल्यारिम तिवा गोमा किरु सुङसुङ ।
“यम्बा साने दाशाला स्योखाकी कमिटी गठन क्यान सिन्सिमा स्युङ ताङ स्योखाकी पर्ला थोङगु अन्तरविरोधकी कोर ल्हाक्पा सिसिन ल्हाक्पा ङ्युङा गल् वाई” सिरु सुङस्येत् ज्योकीन् मानबीर राईकी “ज्युकी ङिमाला साङ स्युङ तङ स्योखाकी कोर्ला ल्हाक्पा सिसिन ल्हाक्पा टोङगु कोतुरकी ल्यारिम तिर्वा गोढिग क्यान अन्तरविरोध म्येगु साङ खोङकी सुङसुङ ।
दुकराङ क्यानी ल्यारिमला सुङस्येत ज्योकिन जोङखा कमिटीकी टुङयिग तङ १ नं. प्रदेश कमिटी छोक्मी गोम्बु श्यार्वा (कज्र्याङ)की स्योखा ताङ सांगठनकी कोर्ला सुङस्येत् ज्योकिन् संगठनला ल्यामु क्यानी गोमा कि गोउ सुङसुङ ।
दुकराङ क्यानी नेकपा प्रदेश १ संसदिय दलकी प्रमुख सचेतक÷प्रदेशसभा सांसद बुद्धिकुमार राजभण्डारीकी स्योखाकी मिग्युल ताङ ठीमला नासाम ताङने ल्यारिम गोमा कि थुप्सी मिमाङकी तेरीकी सिक्याउ दोके क्यान गोमा कि थुपु सुङसुङ । युल यार्गे जोपकी कोर्ला सिसाङ ताम कि मोगोउ सुङस्येत् ज्योकिन् साने लुङवी मिमाङ रङ्गीराङ हाक कोउ सुङसुङ । दुकराङ क्यानी १ नं. प्रदेश कमिटीकी छोक्मी आङ ङिमा लामा श्यार्वी “कार्ल माक्र्सकी सिक्याउ दोके क्यानी कम्युनिष्ट स्योखा गोमा कि माथुपु सुङसुङ । दुकराङ क्यानी ल्यारिमला स्यारखुम्बु जोङखा सचिवालय छोक्मी आसकुमार राई (शिशिर खालिङ), नाम्गेल श्यार्वी च्योम्पालेक्सोकी सुङस्येत् ज्याक्सुङ ।
लाक्पा गेल्जेन श्यार्वी चिख्यापला गो छुवु नेकपा स्योखाकी कमिटीला टुङयिग्ला टंक कालिकोटे दुकराङ क्यानी छोक्मीला ङिमा तेण्डी शेर्पा, पेम्बा छिरी शेर्पा (बुक्सा), मिङमा छिरी शेर्पा, कमला तामाङ (मगर), हस्त बहादुर लिम्बु, बुद्धि राना मगर, गंगा राम राई, ङिमा दोर्जी शेर्पा, ल्हाक्पा गेलु शेर्पा सदस्य, ल्हाक्पा गेल्जेन शेर्पा, फुरतेन्जि शेर्पा (लामा), ल्हाक्पा रिन्जी शेर्पा,. हेम कुमार राई सदस्य, फुरिन्जी शेर्पा, पासाङ काजी शेर्पा, किरण राई, भुवन तामाङ, अमृत मगर, ल्हाक्पा गेलु शेर्पा, धन कुमार तामाङ, तिलक श्रेष्ठ, लाक्पा तामाङm, पेम्बा नुरु शेर्पा, दावा जाङबु शेर्पा, पासाङ दावा शेर्पा, पूmल माया तामाङ, आङ फुर्वा शेर्पा, राम कुमार तामाङ, राजु पुरी, सन्तोष तामाङ, अर्जुन नेपाली, आङ छुटिन तामाङ, देवराज तामाङ, लाक्पा छिरी शेर्पा, नुरु जाङबु शेर्पा, उमा वि.क., दालमु शेर्पा सदस्य, फुर्तेम्बा शेर्पा, दागेल्जी शेर्पा, दावा गेल्जेन शेर्पा, ङवाङ थोमे शेर्पा, ङवाङ ल्हाक्पा शेर्पा, ईश्वरी थापा मगर, फुनुरु शेर्पा, पेम्बा लामा तामाङ, मिलन थापा मगर, दुर्जा बहादुर राई, कामी नुरु शेर्पा, ङतेम्बा शेर्पा, पेमा छोसाङ शेर्पा, छिमी छिरीङ शेर्पा, पासाङ नुरु शेर्पा, तेन्जीङ जाङबु शेर्पा, फुरा छेतेन शेर्पा, फुरा याङजी शेर्पा, लक्ष्मण अधिकारी, पासाङ दावा शेर्पा, पासाङ छिरी शेर्पा, फुटशी शेर्पा, पाल्देन नाम्ग्य शेर्पा, सोनाम छिरीङ शेर्पा, ल्हाक्पा नुरु शेर्पा, छिरिङ पेन्जो शेर्पा, मिङमा शेर्पा, मिङमा नुरु शेर्पा, लामा काजी शेर्पा, आङ माया शेर्पा, गेलु शेर्पा, छोङबा शेर्पा, पासाङ शेर्पा, पासाङ ग्याल्जेन शेर्पा, फुरा छिरीङ शेपा ताङ जाङबु शेर्पा की कमिटी गो चुवु यिन् ।
गाउँपालिकाकी दि सपथ ग्रहणकी ल्यारिम छर्सिमा वडाकी कमिटी जो चुतु ल्यारिम साङ गोमा किरु खुम्बु पासाङ ल्हमु गाउँपालिकाकी नेकपा स्योखा कमिटीकी चिख्याप लाक्पा ग्याल्जेन श्यार्वी सुङसुङ ।
साभारः गोरखापत्र दैनिक नयाँ नेपाल पृष्ठ
