बेलायत : शेर्पा संघ बेलायतको अध्यक्षमा आङ दावा शेर्पा (च्यावा) शेर्पा सर्वसम्मत निर्वाचित भएको छ । सन् २०२० नोभेम्बर ५ आईताबारको दिन अनलाईन भर्चुवल मार्फत भएको आठौँ अदिवेशनबाट आङ दावा शेर्पा अध्यक्ष र रिन्जी लामा शेर्पा महासचिवमा सर्वसम्मत निर्वाचन भएको हो ।
जम्बुलिङ शेर्पा छोक्पाको अध्यक्ष आङ दोर्जी लामा शेर्पाको प्रमुख आतिथ्यमा सम्पन्न भएको अदिवेशनबाछ नया कार्यसमिति निर्वाचित गरेका हुन् । विभिन्न देशमा रहेका शेर्पा संघ सस्थाको प्रतिनिधि लगायत नेपालका शेर्पा संघ संस्थाको उपस्थितिमा सम्पन्न सम्मेलनमा शेर्पा भाषा, संस्कार, संस्कृति लगायत शेर्पा समुदायलाई राजनैतिक चेतना जागृत गर्नु पर्ने विषयमा छलफल भएको थियो ।
शेर्पा संघ बेलायतका नव निर्वाचित अध्यक्ष आङ दावा शेर्पाले प्रतिबद्धता मन्तव्य राख्नु हुर्दै शेर्पा भाषा, संस्कृति संरक्षणमा शेर्पा संघ बेलायत निरन्तर लागि पर्ने र यु. के. मा रहेका सम्पूर्ण शेर्पा समुदायलाई एकिकृत गरि शेर्पा भाषा, संस्कृति संरक्षणका लागि विभिन्न कार्यक्रमहरु आयोजना गर्ने बताउनु भयो ।
नव कार्यसमितिमा अध्यक्ष आङ दावा शेर्पा, उपाध्यक्ष योन्तेन ग्याछो शेर्पा र आङ ल्हाक्पा शेर्पा, महासचिवमा रिन्जी शेर्पा लामा, सचिवमा डोल्मा शेर्पा, कोषध्यक्षमा नुरी शेर्पा, सह कोषध्यक्ष काजी शेर्पा, संस्कृति सचिवमा आङ काजी शेर्पा, संस्कृति सह सचिवमा याङजी शेर्पा त्यसैगरी सदस्यहरुमा सोनाम शेर्पा, दावा छिरिङ शेर्पा, छोङ शेर्पा, ल्हाक्पा शेर्पा, छिरिङ शेर्पा र नोर्वु शेर्पा निर्वाचित भएको हुन् ।
