काठमाडौं : धनगढी एफसी नेपाल सुपर लिगको फाइनलमा प्रवेश गरेको छ। प्ले अफअन्तर्गत पहिलो खेलमा काठमाडौं रेजर्सलाई हराउँदै धनगढी फाईनलमा प्रवेश गरेको हो ।
दशरथ रंगशालामा आज सम्पन्न खेलमा धनगढीले काठमाडौंलाई २–१ ले हरायो । निर्धारित समय १–१ को बराबरी भएपछि ३० मिनेट थप गरिएको थियो । अतिरिक्त समयमा धनगढीका लागि विशाल राईले उत्कृष्ट गोल गर्दै धनगढीलाई २–१ को अग्रता दिलाए ।
विशालको गोल नै धनगढीका लागि फाइनल प्रवेशका लागि पर्याप्त भयो ।
