सोलुखुम्बु : जिल्ला प्रहरी कार्यालय सोलुखुम्बु मातहत रहेको अस्थायी प्रहरी चौकी दिङबोचेबाट खटिएका प्रहरी टोलीले सगरमाथा बेसक्याम्प जाने बाटोको सरसफाइ तथा मर्मत गरेको छ ।
आज मंगलबार दिउँसो खुम्बु पासाङल्हामु गाउँपालिका वडा नम्बर ४ पाङबोचे, सोमारे र दिङबोचेका स्थानीयको सहयोगमा अस्थायी प्रहरी चौकी दिङबोचेबाट खटिएका प्रहरी टोलीले बाटो सरसफाइ तथा मर्मत गरेको हो ।
केही दिन अगाडि परेको वर्षा र हिमपातका कारण सगरमाथा बेसक्याम्प जाने बाटो फोहोर तथा क्षति भएकाले पैदलयात्रीको सहजताका लागि बाटोको सरसफाइ तथा मर्मत गरिएको जिल्ला प्रहरी कार्यालय सोलुखुम्बुका प्रहरी प्रमुख एवं प्रहरी नायव उपरीक्षक द्वारिका प्रसाद घिमिरेले जानकारी दिनुभयो ।
