सोलुखुम्बु – जिल्लाको महाकुलुङ गाउँपालिकाले २०७९ को माध्यमिक शिक्षा परीक्षा (एसईई) मा उत्कृष्ट नतिजा ल्याउन सफल विद्यालयलाई नगदसहित पुरस्कृत गरेको छ । पालिकाभरका विद्यालयहरु मध्ये उत्कृष्ट नतिजा ल्यान सफल गुदेल माध्यमिक विद्यालयलाई नगद रु. २ लाख नगद सहित पुरस्कृत गरेको हो ।
गुदेल माध्यामिक विद्यालयबाट एसईई परिक्षामा सहभागी ६३ जना मध्ये एक जनाले मात्रै सी ग्रेड प्राप्त गरेका छन् भने अन्य ६२ जनाको ए तथा बी प्लस ग्रेड प्राप्त गरेकाे विद्यालयले जनाएकाे छ ।
गाउँपालिकाको सर्शत अनुदान तर्फ १० लाख शैक्षिक विकासका लागि छुट्याइएको बजेट मध्ये १—५, १—८, १—१२ र एसईईको नतिजालाई मध्येनजर गर्दै उक्त पुरस्कार वितरण गरेको गाउँपालिका अध्यक्ष सुर्य कुमार राईले जानकारी दिनुभयाे ।
