सोलुखुम्बु : जिल्लाको थुलुङ दुधकोशी गाउँपालिका वडा नं. ९ लोखिममा नेतृत्व विकास तथा क्षमता अभिवृद्धि सम्बन्धि तालिम सूरु भएको छ । वडा कार्यालयको आयोजनामा आइतबार देखि दुई दिने तालिम सुरु भएको हो ।
लक्षित वर्गको बजेट मार्फत तालिम आयोजना गरिएको वडा सदस्य तमुना राईले जानकारी दिनुभयो । वडा भित्रका टोल विकास संस्थाका अध्यक्ष तथा पदाधिकारीलाई लक्षित तालिमको पत्रकार महासंघ सोलुखुम्बुका अध्यक्ष नुतन श्रेष्ठले सहजिकरण गर्नुभएको छ ।
तालिमको गाउँपालिका उपाअध्यक्ष सविता राईले उद्घाटन गर्नुभयो । वडा अध्यक्ष सनकुमार तामाङको अध्यक्षतामा उद्घाटन गरिएको उक्त कार्यक्रममा गाउँपालिका प्रवक्ता भोजराज कार्की लगायत अन्य जनप्रतिनिधिको उपस्थिति रहेको थियो । तालिममा नेतृत्व विकास तथा उद्घोषण सम्बन्धि आधारभुत सीप सिकाइने आयोजकले जनाएको छ । 
लोखिममा नेतृत्व विकास तथा क्षमता अभिवृद्धि तालिम सुरु
