सोलुखुम्बु : सोलुखुम्बु प्रदेश निर्वाचन क्षेत्र (ख) मा नेकपा एमालेका नेता बुद्धिकुमार राजभण्डारी बिजयी हुनुभएको छ । गठबन्धनका उमेदवार माओवादी केन्द्रका नेता शिव बहादुर बस्नेत (राजेन्द्र)लाई ३३१३ मतान्तरले पछि पार्दै राजभण्डारी बिजयी हुनुभएको हो ।
खसेको कुल मत १९४१५ मा राजभण्डारीले १०१२८ मत प्राप्त गर्नुभएको छ भने उहाँका निकटतम प्रतिद्वन्द्वी बस्नेतले ६८१५ मत प्राप्त गर्नुभएको छ ।
यस क्षेत्र एमालेको पकड मानिन्छ । एक नगरपालिका र तीन गाउँपालिका रहेको निर्वाचन क्षेत्रमा दुई वटा गाउँपालिका प्रमुख नेकपा एमालेले जितेको छ भने अन्य दुई स्थानीय तहमा नेपाली काङ्ग्रेसले जितेको छ ।
