काठमान्डाै : प्रसौनी गाउँपालिका–५ बाराका एकै परिवारका तीन जनाकाे हत्या भएकाे छ । हत्या हुनेहरुमा २५ वर्षीया सुजाता चौधरी, उनकी छोरी ३ वर्षीया ताहिरा चौधरी र १६ महिनाको राजवीर चौधरी रहेकाे जिल्ला प्रहरी कार्यालय बाराले जनाएकाे छ ।
प्रारम्भिक अनुसन्धान गर्दा उनीहरुको घाँटी रेटेर हत्या भएको हुनसक्ने देखिएको जिल्ला प्रहरी कार्यालय बाराका प्रमुख प्रहरी उपरीक्षक (एसपी) होबिन्द्र बोगटीले बताउँनुभयाे ।
श्रीमान् भागेको अवस्थामा दुर्घटना हुँदा केहिपर घाइते अवस्थामा भेटिएका छन् । प्रहरी स्रोतका अनुसार अस्पतालमा उपचार भइरहेको अवस्थामा उनलाई नियन्त्रणमा लिइएको छ । प्रारम्भिक अनुसन्धानमा घरायसी विवादमा हत्या भएको हुनसक्ने आशंका गरिएको छ ।
घटनामा श्रीमानको भूमिका स्पष्ट भइसकेको छैन ।
