सोलुखुम्बु : थुलुङ दुधकोशी गाउँपालिका प्रवक्ता एवम वडा नम्बर ७ का वडा अध्यक्ष भोजराज कार्की सम्मानित हुनुभएको छ । खुलाल कार्की एकता समाजले शनिबार रक्तदान तथा सम्मान कार्यक्रम आयोजना गरि उहाँ सहितलाइ सम्मान गरेको हो ।
स्थानीय तह निर्वाचन २०७९ मा विजेता तथा प्रत्याशी बन्धुहरुलाई सम्मान गरिएको आयोजकले जनाएको छ । स्थानीय तहको निर्वाचनमा विजयी भई सम्मानित हुनुहुनेमा काठमाडौं महानगरपालिका वडा नं. ३० का वडाध्यक्ष दलबहादुर कार्की, साेलुखुम्बु थुलुङ दूधकोशी गाउँपालिका वडा नं.७ का वडा अध्यक्ष भोजराज कार्की, धनुषा बट्टेश्वर गाउँपालिका वडा नं.४ का वडाध्यक्ष निरज कार्की, शिवसताक्षी नगरपालिका वडा नं.६ का वडाध्यक्ष मनोज खुलाल कार्की, इलाम माइनगरपालिका वडा नं.३ का वडा सदस्य लोकबहादुर कार्की, सुनसरी धरान उपमहानगरपालिका वडा नं.९ का वडा सदस्य विन्दू कार्की, सुनसरी रामधुनी नगरपालिका वडा नं.८ का दानबहादुर कार्की, सुनसरी बराहक्षाेत्र नगरपालिका वडा नं.३ का वडा सदस्य थिरबहादुर कार्की, ओखलढुंगा सिद्धिचरण नगरपालिका वडा नं.११ कि वडा सदस्य अप्सरा कार्की रहनुभएको छ ।
समाजका अध्यक्ष प्रेमबहादुर कार्कीले कार्यक्रमको अध्यक्षता तथा समाजकै सल्लाहकार एवं वंशावली समितिका संयोजक शम्भुराम कार्कीको प्रमुख आतिथ्यतामा सप्पन्न उक्त कार्यक्रममा ६० जनाले रक्तदान गरेका छन । हरेक वर्ष खुलाल कार्की एकता समाजले रक्तदान कार्यक्रम आयोजना गर्दै आएको छ । 
