सोलुखुम्बु : थुलुङ दुधकोशी गाउँपालिका-७ देउसामा 5ए साइड खुल्ला पुरुष फुटसल प्रतियोगीता सुरु भएको छ । युथ फर नेशन स्पोर्ट्स क्लब देउसाले नयाँ वर्षको शुभकामना आदनप्रदान सहित आयोजित उक्त प्रतियोगिता बिहिवार सुरु भएको हो ।
प्रतियोगिताको वडा नम्बर ७ का वडा अध्यक्ष राम संघर्ष किराँती ले उद्घाटन गर्नुभएको क्लबका अध्यक्ष मिसन बाबू राईले जानकारी दिनुभयो । वडा सरकारले निर्माण गरेको खेलमैदानमा संचालित प्रतियोगितामा २० समुहको सहभागीता रहेको आयोजकले जनाएको छ ।
प्रतियोगिताको उद्घाटन गर्दै वडा अध्यक्ष किराँतले पहिलोपटक खेलमैदानमा प्रतियोगिता आयोजना भएकोमा खुशी व्यक्त गर्नुभयो । देउसा माध्यमिक विद्यालय नजिकै निर्माण गरिएको खेलमैदान उपयुुक्त स्थानमा रहेकाले देउसाको खेलकुदको क्षेत्रमा महत्त्वपुर्ण सहयोग मिल्ने विश्वास व्यक्त गर्नुभयो ।
प्रतियोगितामा प्रथम, द्वितीय र तृतीय हुने समुहलाइ नगद ३०,२५ र २० हजारको साथमा ट्रफी, मेडल र प्रमाणपत्र प्रदान गरिने बताइएको छ ।
