सोलुखुम्बु : नेपाली कांग्रेसका केन्द्रीय सदस्य तथा पूर्वमन्त्री बलबहादुर केसीले गुटउपगुटभन्दा माथि रहेर काम गर्नुपर्नेमा जोड दिनुभएको छ । नेपाल तरुणदलको ६८ औं स्थापना दिवसको अवसरमा आयोजीत कार्यक्रमलाई सल्लेरीमा सम्बोधन गर्दै नेता केसीले यस्तो बताउँनुभएको हो ।
नेपाल तरुणदल सोलुखुम्बुका अध्यक्ष अशोक कुमार झाको अध्यक्षता एवम् पुर्व मन्त्री बलबहादुर केसीको प्रमुख आतिथ्यतामा समन्वय समितिको भवनमा शुभकामना आदन प्रदान तथा चियापान कार्यक्रम आयोजना गरिएको हो । कार्यक्रममा बोल्ने अधिकांश वक्ताले पार्टीभित्र एकताको आवश्यकता रहेको बताएका छन् ।
उक्त कार्यक्रमको अवसरमा थुलुङ दुधकोशी गाउँपालिका ८ का सवारी दुर्घटनामा घाइते तुल बहादुर मगरलाई रु.३२ हजार आर्थिक सहयोग समेत गरिएको तरुणदल सोलुखुम्बुले जनाएको छ ।
