खोटाङ : बिद्यालय व्यवस्थापन समितिका अध्यक्ष समेत रहेका वडा सदस्य लगायत तीन जनालाई भरुवा बन्दुक सहित पक्राउ गरिएको छ । दिक्तेल रुपाकोट मझूवागढी नगरपालिका –१० पाथेकाका वडा सदस्यत था सरस्वती माध्यमिक बिद्यालय पाथेकाको बिद्यालय व्यवस्थापन समिति अध्यक्ष पर्शुराम बानियाँ लगायतलाई प्रहरीले पक्राउ गरेको हो ।
अबैध भरुवा बन्दुकर खरखजना लुकाई राखेको भन्ने गोप्य सुचनाको आधारमा सोमबार बेलुकी जिल्ला प्रहरी कार्यालयबाट खटिएको प्रहरी टोलीले पर्शुराम सँगै सोही ठाउँका मदनबहादुर बानियाँ र मिलन बानियाँलाई पक्राउ गरेको हो । तीनै जनाको घरमा खानतलासी गर्दा बारुद तथा छर्रा लोड गरेको अवस्थाको एक–एक नाल भरुवा बन्दुक र आवश्यक खरखजना फेलापारेको जिल्ला प्रहरी कार्यालयका प्रहरी निरीक्षक अमरप्रसाद गजमेरले जानकारी दिनुभयो ।
पक्राउ परेकातीनै जनालाई ७दिनको म्यादथप गरी हातहतियार तथा खरखजनाको मुद्दा अन्र्तगत अनुसन्धान गरिरहेको प्रहरी निरीक्षक गजमेरले उल्लेख गर्नुभयो ।
