काठमाडौं : इंग्लिस प्रिमियर लिग फुटबलमा दोस्रो स्थानको म्यानचेस्टर युनाईटेड पुछारको सेफिल्डसँग पराजित भएको छ । सेफिल्डसँग युनाईटेड २–१ गोल अन्तरले पराजित भएको हो । २३ औं मिनेटमा ब्रायनले गोल गर्दै सेफिल्डलाई अग्रता दिलाएका थिए ।
तर, ६४ औं मिनेटमा ह्यारीले गोल गर्दै युनाईटेडलाई १–१ गोलको बराबरीमा फर्काए । ७४ औं मिनेटमा ओलिभर बुर्केले गोल गर्दै सेफिल्डलाई २–१ को जित दिलाए ।
घरेलु मैदानमा पराजित भएसंगै युनाईटेडले शीर्ष स्थानमा उक्लने मौका गुमाएको छ । दोस्रो स्थानको युनाईटेडको २० खेलमा ४० अंक रहेको छ । लिग लिडर म्यानचेस्टर सिटीको ४१ अंक रहेको छ । सेफिल्ड ८ अंक जोडेर पुछारमा रहेको छ ।
