काठमाडौं : स्पेनिस ला लिगा फुटबलमा बार्सिलोनाले शानदार जित निकालेको छ । गएराति भएको खेलमा ग्रानडालाई ४–० गोल अन्तरले पराजित गर्दै बार्सिलोनाले सहज जित निकालेको हो ।
ग्रानडाको मैदानमा बार्सिलोनाका लागि कप्तान लियोनल मेसी र एन्टोनी ग्रिजम्यानले २-२ गोल गरे । खेलको १२ औं मिनेटमा ग्रिजम्यानले गोल गर्दै बार्सिलोनालाई अग्रता दिलाएका थिए । खेलको ३५ औं मिनेटमा मेसीले गोल गर्दै बार्सिलोनालाई २–० को अग्रता दिलाए । ४२ औं मिनेटमा मेसीले र ६३ औं मिनेटमा ग्रिजम्यानले गोल गर्दै बार्सिलोनालाई ४–० को जित दिलाएका हुन् ।
७८ औं मिनेटमा जिसस भालेजोले रातो कार्ड पाउँदा घरेलु टिम १० खेलाडीमा समेटिएको थियो । जितसँगै बार्सिलोना लिगको तेस्रो स्थानमा उक्लिएको छ । बार्सिलोनाले १८ खेलमा ३४ अंक जोडेको छ । ग्रानडा २४ अंक जोडेर सातौं स्थानमा रहेको छ ।
