काठमाडौं : इङलिस प्रिमियर लिग फुटबलमा एस्टन भिल्लासँग चेल्सी बराबरीमा रोकिएको छ । गएराति भएको चेल्सी र एस्टन भिल्लाबीचको खेल १–१ गोलको बराबरीमा सकिएको हो ।
चेल्सीका लागि ओलिभर जिराउडले खेलको ३४औ मिनेटमा गोल गर्दै शुरुवाती अग्रता दिलाएका थिए । पहिलो हाफमा एक शून्यको अग्रता लिएको चेल्सीले दोस्रो हाफको ५०औ मिनेटमा गोल खाएको थियो । एस्टन भिल्लाका लागि अनवर घाजीले गोल गर्दै खेल बराबरीमा ल्याएका थिए ।
बराबरीपछि एस्टन भिल्ला १४ खेलमा २६ अंकसहित पाँचौं स्थानमा पुगेको छ । चेल्सी १६ खेलमा २६ अंकसहित छैठौ स्थानमा रहेको छ ।
