काठमाडौं : नेपाली राष्ट्रिय क्रिकेट टोलीका लेग स्पिनर सन्दीप लामिछानेलाई कोरोना संक्रमण भएको छ । सन्दीपले सामाजिक संजाल फेसबुकमा स्ट्याटसमार्फत आफूमा कोरोना संक्रमण भएको बताएका हुन् ।
सन्दीपले कोरोना संक्रमण पुष्टि भएपछि आफु सेल्फ आईसोलेसनमा बसेको बताएका छन् । सन्दीपले आफुलाई कोरोनाको लक्षण देखिएको बताएका छन् । उनले आफ्नो स्वास्थ्य अवस्था सुधार हुँदै गएकोसमेत बताएका छन् ।
सन्दीपले स्वास्थ्य हुँदै चाडै मैदान फर्कने विश्वास लिएको बताएका छन् । यसअघि नेपाली टोलीका कप्तान ज्ञानेन्द्र मल्लसहित दिपेन्द्र सिंह ऐरी र रोहित पौडेललाई कोरोना संक्रमण देखिएको थियो । उनीहरू तीनैजना कोरोनामुक्त भइसकेका छन् ।
