एजेन्सी : स्पेनिस क्लब बार्सिलोना च्याम्पियन्स लिग फुटबलको अन्तिम १६ मा प्रवेश गरेको छ। स्पेनिस क्लब बार्सिलोनाले युक्रेनको डायनामो किभलाई ४–० गोलअन्तरले पराजित गर्दै प्रिक्वाटरफाइनलमा प्रवेश गरेको हो।
बार्सिलोनाको जितमा मार्टिन ब्रेथवेटले दुई तथा सर्जिनो डेस्ट र एन्टोनियो ग्रिजम्यानले एक–एक गोल गरे । पहिलो हाफ गोलरहित बराबरीमा सकिएपनि दोस्रो हाफमा बार्सिलोनाले गोलको बर्षा गरेको थियो ।
बार्सिलोनाका नियमित कप्तान लियोनल मेसीले भने किभसँगको खेलमा मैदान बाहिरै थिए । समूह जीमा रहेको बार्सिलोनाले ४ खेलमा १२ अंक जोडेको छ । शीर्ष स्थानको बार्सिलोना अपराजित रहेको छ । किभ १ अंक जोडेर तेस्रो स्थानमा रहेको छ ।
