काठमाडौं : मनास्लु वर्ल्ड कलेजले नेपाली फुटबलर तथा राष्ट्रिय टोलीका पूर्व कप्तान सागर थापालाई ब्रान्ड एम्बेसडर नियुक्त गरेको छ । चुच्चे मनास्लु टिम अफ इन्टरप्रिनर प्रा.ली. द्धारा सञ्चालित मनास्लु वर्ल्ड कलेजल सोमबार होटल मेरियटमा भएको हस्ताक्षर समारोह कार्यक्रमका बीच उनलाई मनास्लु कलेजले एम्बेसडरमा नियुक्त गरेको हो ।
कार्यक्रममा मनास्लुका अध्यक्ष गेन्द्र लामा र पूर्व कप्तान थापाले १ वर्षका लागि द्धिपक्ष सम्झौतामा हस्ताक्षर गरेका थिए । हस्ताक्षर समारोहलाई सम्बोधन गर्दै थापाले मनास्लुसंगको सहकार्यले आफुलाई थप जिम्मेवारी थपिएको बताउनु भएको छ । शिक्षासंगै खेलकुदको विकासका लागि मनास्लुले गरेकोे समर्थनका लागि आवद्ध भएका उहाँले बताउनु भएको छ ।
तर्फबाट गर्नु पर्ने जिम्मेवारीलाई मनबाट नै गर्ने थापाले प्रतिवद्धता समेत व्यक्त गर्नु भयो । हस्ताक्षर कार्यक्रमलाई सम्बोधन गर्दै मनास्लु टिम अफ इन्टरप्रिनर प्रा.ली.तथा मनास्लु वर्ल्ड कलेजका अध्यक्ष गेन्द्र लामाले विद्यार्थीमा भएको खेलकुदको क्रेजलाई मध्यनगर गर्दै फुटबल खेलको विकासका लागि नेपाली फुटबलर तथा राष्ट्रिय टोलीका पूर्व कप्तान सागर थापालाई ब्रान्ड एम्बेसडर नियुक्त गरेको जनाए ।
कार्यक्रममा बोल्दै प्रिन्सिपल राजन श्रेष्ठले पूर्व कप्तान सागर थापा कलेजको एम्बेसडर बन्दै हुनुहुन्छ भन्ने कुराबाट प्रेरित हुँदै नेपाली राष्ट्रिय फुटबल टिमका यू(१६ कप्तान जान लिम्बुसंगै एन्फाका अन्य खेलाडीहरु पनि मनास्लुमा भर्ना भइसकेको जानकारी दिनु भयो
