सहिद स्मारक ए डिभिजन लिगमा मच्छिन्द्र क्लबले सानदार जित हात पारेको छ। मच्छिन्द्रले बुधबार भएको खेलमा फ्रेण्ड्स क्लबलाई ३-० गोलले पराजित गरेको हो। मच्छिन्द्रको जितमा पिटर सेगुन, सेमिडे एडिलेजा र रेजिन सुब्बाले गोल गरे।
पिटरले खेलको २८ मिनेटमा गोल गरेर मच्छिन्द्रलाई अग्रता दिलाए। पहिलो हाफमा १-० ले अघि रहेको मच्छिन्द्रका लागि एडिजेजाले ५२ मिनेटमा अग्रता दोब्बर पारे। रेजिन सुब्बाले ८५ मिनेटमा अर्को गोल गरेपछि मच्छिन्द्रले ३-० को जित दर्ता गर्न सफल भयो।
जितसँगै मच्छिन्द्र ३ खेलबाट ७ अंक जोडेर अंक तालिकाको शीर्ष स्थानमा उक्लिएको छ।
