काठमाडौं । नेपालको यू-१५ महिला फुटबल टिमले भुटानको यू-१५ महिला फुटबल टिमसँग दुई मैत्रीपूर्ण खेल खेल्ने भएको छ । नेपालले सोमबार एन्फा कम्प्लेक्स सातदोबाटोमा भुटानसँग पहिलो मैत्रीपूर्ण खेल्ने अखिल नेपाल फुटबल संघ (एन्फा) ले जनाएको छ ।
खेल नेपाली समय अनुसार अपरान्ह २ बजे सुरु हुनेछ । मैत्रीपूर्ण खेल निशुल्क हेर्न पाईने समेत एन्फाले जनाएको छ । महिला फुटबल विकासको लागि मैत्रीपूर्ण खेल आयोजना गरिएको एन्फाले जनाएको छ ।
अर्को मैत्रीपूर्ण बुधबार हुनेछ । भुटानी टिम आइतबार नेपाल आईसकेको एन्फाले जनाएको छ ।
