काठमाडौँ | १३औं दक्षिण एसियाली खेलकुद (साग) को समापन आज हुँदैछ। खेल तालिका अनुसार आज चार खेलमा प्रतिस्पर्धा हुनेछ। जुडोमा ६ स्वर्णका लागि प्रतिस्पर्धा हुनेछ। टिम इभेन्टसका हुने स्वर्णको फाइनल पुग्ने खेलाडी टुंगो आज नै लाग्छ।
यस्तै बक्सिङमा ८ वटा स्वर्णका लागि प्रतिस्पर्धा हुँदैछ। ८ मध्ये नेपालका ५ बक्सरले स्वर्णका लागि भिड्नेछन्। यस्तै आजै बास्केटबलको पुरुष र महिलाको स्वर्णका लागि खेल हुनेछ। महिला फाइनलमा नेपाल र भारतबीच तथा पुरुष फाइनलमा श्रीलंका र भारतबीच खेल हुनेछ।
दिउँसो ३ बजे दशरथ रंगशालामा पुरुष फुटबलको फाइनलमा नेपाल र भुटानबीच खेल हुनेछ।
