काठमाडौं-गैर आवासीय नेपाली संघ (एनआरएनए)को नयाँ नेतृत्वको लागि गरिएको निर्वाचनको मत गणना सकिएको छ । निर्वाचन मण्डलले केहीबेरमा नयाँ कार्य समिति घोषणा गर्दैछ । एनआरएनएको अध्यक्षमा कुमार पन्त विजयी भएको जनाइएको छ । पन्तले पाएको मत भने सार्वजनिक भइसकेको छैन ।
कोषाध्यक्षमा महेशकुमार श्रेष्ठ विजयी भएको जनाइएको छ । अध्यक्षमा निर्वाचित भएका पन्तले मतपरिणाम केहिबेरमा सार्वजनिक हुने भन्दै सबै जनालाई उपस्थित हुन भनेका छन् । सचिवमा गौरीराज जोशी निर्वा्चित भएका छन् । सहकोषाध्यक्षमा लोक दाहाल विजयी भएका छन् । निर्वाचन परिणाम भने केहिबेरमा सार्वजनिक गरिने जनाइएको छ ।
