सोलुखुम्बु : जिल्लाको सोताङ गाउँपालिकामा खुल्ला महिला पुरुष भलिबल प्रतियोगिता शुरु भएको छ । सुनौलो विहानी युवा क्लबद्वारा आयोजित खुल्ला वडा स्तरीय महिला पुरुष भलिवल प्रतियोगिता मंगलबारदेखि शुरु भएको हो ।
जारी प्रतियोगितामा पुरुष तर्फ १२ समुह र महिलातर्फ ६ समुहको सहभागिता रहेको आयोजकले जनाएको छ । पुरुषतर्फको आज हुने पहिलो खेलमा पुरुषतर्फ तोस्खाम भुमेस्थान सोताङ -४ र राष्ट्रिय युवा संघ सोताङ बीच हुनेछ भने महिलातर्फको पहिलो खेल माप्यदुधकोशी-५ र सोताङ -४ बीच हुने भलिबल रेफ्री दिनेश केसीले जानकारी दिनुभयो ।
माघ ६ गतेसम्म चल्ने प्रतियोगितासँगै सुनौलो विहानी युवा क्लवको भवनको गाउँपालिका अध्यक्ष खिलराज बस्नेतले गर्नुभयो । उक्त भवन जनश्रमदान सहित १८ लाख रुपैयाँमा निर्माण सम्पन्न भएको बताइएको छ । उद्घाटन कार्यक्रममा गाउँपालिका उपाध्यक्ष अञ्जु नाछिरिङ , वडा नम्बर ५ का अध्यक्ष मानबिर राई, वडा नम्बर ४ का अध्यक्ष दिप बहादुर राई लगायतको उपस्थिति रहेको थियो ।
