काठमाडौं : आगामी मंसिर ४ को निर्वाचनका लागि प्रत्यक्षतर्फ मनोनयन दर्ता गराएका उमेदवारले आज आफ्नो उमेदवारी फिर्ता लिन सक्नेछन् । निर्वाचन आयोगले उमेद्वारलाइ मनोनयन फिर्ता लिने समय आज १० बजेदेखि दिउँसो १ बजेसम्म रहने जनाएकाे छ ।
आयोगले आजै उमेदवारहरुको अन्तिम नामावली सार्वजनिक गर्दै छ । उमेदवारी फिर्ता र खारेजीपछि कायम रहेका उमेदवारहरुको अन्तिम नामावली आयोगले आज दिउँसो १ देखि ३ बजेसम्ममा प्रकाशन गर्नेछ ।
अन्तिम नामावली प्रकाशन भएसँगै उमेदवारहरुले आजै आफ्नो चुनाव चिह्न प्राप्त गर्ने बताइएकाे छ । यसपटक प्रतिनिधिसभातर्फ २ हजार ५३१ जना र प्रदेशसभार्तफ ३ हजार ४८१ जनाको उमेदवारी परेको विवरण सार्वजनिक भएकाे छ।
