सोलुखुम्बु : थुलुङदुधकोशी गाउँपालीकाको प्रवक्तामा भोजराज कार्की चयन हुनुभएको छ । सोमबार बसेको गाउँपालीकाको बैठकले थुलुङदुधकोशी गाउँपालिकाका वडा नं ७ का वडाध्यक्ष समेत रहनु भएका कार्कीलाई गाउँपालीकाको प्रवक्तामा तोकिएको हो ।
गाउँपालिकाले गरेका निर्णय, कार्य सम्पादन तथा पालिकाबाट भएका गतिविधिका बारेमा जानकारी गराउनको लागि प्रवक्ता चयन गरिएको थुलुङदुधकोशी गाउँपालीकाका अध्यक्ष असिम राईले बताउनु भयो । यस्तै प्रवक्ताको जिम्मेवारी पाउँनुभएका कार्कीले पालिकावासी एवं सरोकारवाला सबैसँग सहकार्य गरेर अगाडि बढ्ने प्रतिक्रिया दिनुभएको छ।
कार्की विगत लामो समयदेखी पत्रकारीतामा सकृय रहनुभएकोमा २०७८ को स्थानीयतह निर्वाचनमा वडा नं ७ देउसाबाट वडाध्यक्षमा निर्वाचित हुनुभएको हो । उहाँ सङ्ग नेपाल सरकारको आधिकारिक समाचार संस्था राष्ट्रिय समाचार समिति (रासस), थाहाखबर लगायत जिल्लामा संचालित सञ्चारमाध्यममा सङ्गै मानवअधिकार र कानुनी क्षेत्रमा काम गरिसक्नु भएको छ ।
