सोलुखुम्बु : नेकपा माओवादी केन्द्र जिल्ला समन्वय समिति सोलुखुम्बुको अध्यक्षमा असिम राई चयन हुनुभएको छ । मंगलबार पार्टीको प्रदेश कार्यालय विराटनगरमा बसेको दोस्रो पुर्ण बैठकले जिल्ला अध्यक्षको जिम्मेवारी राईलाई प्रदान गरेको हाे ।
थुलुङ दुधकोशी गाउँपालिकाका जननिर्वाचित अध्यक्ष समेत रहनुभएका राई जिल्ला कमिटी सचिवको जिम्मेवारीमा रहनुभएको थियो । अब सचिव सहितका पदाधिकारीको टुंगो भने जिल्ला समिति बैठकले लगाउने बताइएकाे छ । पार्टीका निर्वतमान जिल्ला अध्यक्ष गोम्बु शेर्पा (कर्ज्याङ)लाई भने केन्द्रीय कमिटीमा मनोनित गर्ने तयारी भईरहेको पार्टी निकट श्रोतले जनाएको छ । नेता राईले आफुलाइ विकास प्रेमी नेताकाे रुपमा चिनाउँनुभएकाे छ । गाउँपालिका अध्यक्षमा निर्वाचित भएपछि पालिकाकाे समग्र विकासमा गरेकाे पहल र परिणामबाट उहाँ सबैकाे लाेकप्रिय बन्न सफल हुनुभएकाे हाे ।
