सोलुखुम्बु : नेकपा माओवादी केन्द्रको पालिका स्तरीय सम्मेलन सुरु भएको छ । शनिबार खुम्बु पासाङ ल्हामु गाउँपालिकामा माओवादी केन्द्रले पालिका सम्मेलन सम्पन्न गरेको जनाएको छ ।
उक्त सम्मेलनबाट दिपक भुजेलको अध्यक्षतामा ३३ सदस्य गाउँकमिटी गठन गरिएको माओवादी केन्द्र जिल्ला समन्वय समिती सचीव असिम राईले जानकारी दिनुभयो । कमिटीको उपाध्यक्षमा मिना शेर्पा, सचिबमा दुर्गा राई, सहसचिवमा फुनुरु शेर्पा र कोषाध्यक्षमा फुलमाया तामाङ रहनुभएको छ।
यस्तै सन्जय श्रेष्ठको संयोजकत्वमा २७ सदस्यीय योङ कम्युनिष्ट लिग खुम्बु पासाङल्हामू गाउँपालिका कमिटी समेत गठन गरेको छ। सचीव राईको प्रमुख आतिथ्यतामा सम्पन्न उक्त सम्मेलनमा नेपाली काङ्ग्रेस र एमाले पार्टी परित्याग गरि ६५ जना माओवादी केन्द्रमा प्रवेश गर्नुभएको छ। उनिहरुलाइ जिल्ला सचीव राईले स्वागत गर्नुभएको छ ।
कार्यक्रममा बोल्दै उहाँले सोलुखुम्बुमा माओवादी पहिलो पार्टी बन्ने दावी गर्नुभयो । बिकास र सम्वृद्वीको आधार तय गरि कार्यन्वयन गर्न सक्ने एकमात्र पार्टी माओवादी भएको भन्दै उहाले आम सचेत नागरिक प्रवेश गरिरहेको बताउनु भयो ।
जो कोहि नागरिकलाई समस्या परेको बेला सहयोग गर्न सक्ने क्षमता राख्ने भन्दै उहाँले झुटको खेती गर्नेहरूको दिन सकिएको जिकिर गर्नुभयो ।
