काठमान्डौ : माध्यमिक शिक्षा उत्तीर्ण परीक्षा (कक्षा १२ को वार्षिक परीक्षा) स्थागित गरिएको छ । साउन ३१ गते देखि तय गरिएको परीक्षा अर्को सूचना जारी नभएसम्मको लागि स्थगित गरिएको राष्ट्रिय परीक्षा बोर्डले जनाएको छ ।
बोर्डको शनिबार सम्पन्न बैठकले कोरोना भाइरस (कोभिड–१९)को संक्रमण जोखिम बढेकाले परीक्षा स्थगित गर्ने निर्णय गरेको जनाएको छ । शिक्षा, विज्ञान तथा प्रविधि मन्त्रालय र कोभिड–१९ संकट व्यवस्थापन केन्द्र (एमसीसी)को समन्वयमा कम्तीमा १५ दिनको समय दिइ परीक्षा सञ्चालन गरिने बोर्डले जनाएको छ ।
