एजेन्सी : चेल्सी च्याम्पियन्स लिग फुटबलको फाइनलमा प्रवेश गरेको छ । सेमिफाइनलको दोस्रो लेगमा स्पेनिस क्लब रियल मड्रिडलाई २–० ले पराजित गर्दै प्रिमियर लिग क्लब चेल्सी समग्रमा ३–१ को नतिजासहित फाइनलमा प्रवेश गरेको हो ।
दोस्रो लेगको खेलमा चेल्सीलाई जित दिलाउन टिमो वार्नर र मिसन माउण्टले एक–एक गोल गरे । अब चेल्सीले टर्कीको इस्तानबुलमा च्याम्पियन्स लिगको तेस्रो फाइनल खेल्नेछ ।
चेल्सीले च्याम्पियन्स लिगको उपाधिका लागि प्रिमियर लिग क्लब म्यान्चेष्टर सिटीसँग प्रतिस्पर्धा गर्नेछ । सिटीले मंगलबार राति पीएसजीलाई पराजित गर्दै फाइनल यात्रा तय गरिसकेको छ ।
