काठमाडौं: टोटनह्याम र म्यानचेस्टर युनाइटेड लिग कप फुटबलको सेमिफाइनलमा प्रवेश गरेका छन् । गएराति भएको खेलमा स्टोक सिटीलाई ३–१ ले पराजित गर्दै टोटनह्याम सेमिफाइनलमा पुगेको हो ।
खेलको २२ औं मिनेटमा ग्यारेथ बेलले गोल गर्दै टोटनह्यामलाई अग्रता दिलाएका थिए । पहिलो हाफमा बेलको गोलको सहयोगमा १–० ले अग्रता लिएको टोटनह्यामले दोस्रो हाफमा थप दुई गोल गरेको थियो । दोस्रो हाफको ५३ मिनेटमा स्टोकका लागि जोर्डन थोम्पसनले गोल गर्दै खेल बराबरीमा फर्काएका थिए ।
सुरुवाती अग्रता लिएको टोटनह्यामले त्यसपछि दुई गोल गरेको हो । उसका लागि खेलको ७० औं मिनेटमा बेन डेविस र ८१ औं मिनेटमा ह्यारी केनले गोल गर्दै ३–१ को जित निश्चित गरेका हुन् ।
अब फाइनल प्रवेशका लागि टोटनह्यामले बे्रन्टफोर्डसँग प्रतिस्पर्धा गर्नेछ । गएराति नै भएको अर्को खेलमा एभर्टनलाई २–० ले पराजित गर्दै म्यानचेस्टर युनाइटेड सेमिफाइनल प्रवेश गरेको छ । उसले फाइनल प्रवेशका लागि म्यानचेस्टर सिटीसँग प्रतिस्पर्धा गर्नेछ ।
