एजेन्सी : पोर्चुगिज खेलाडी क्रिष्टियानो रोनाल्डोले इटालियन सिरी ए फुटबलमा पहिलो पटक ह्याट्रिक गर्नुभएको छ । सिरी ए फुटबलको दोस्रो सिजन खेलीरहेका रोनाल्डोले गएराती सम्पन्न खेलमा काग्लिएरीलाई ४–० ले पराजित गर्दा एक्लैले तीन गोल गर्नुभयो ।
युभेन्टसका लागि अर्को एक गोल गोन्जालो हेगुइनले गर्नुभयो । यो नजितासँगै युभेन्टस ४५ अंकसहित दोस्रो स्थानमै छ । समान ४५ अंक जोडेको इन्टर मिलान पहिलो स्थानमा छ ।
युभेन्टससँग पराजित भएको काग्लिएरी २९ अंकसहित छैटौँ स्थानमा छ । यसैगरी इटालियन सिरी ए फुटबलको अर्को खेलमा एसी मिलान साम्पडोरियासँग गोलरहित बराबरीमा रोकिएको हो ।
एसी मिलानमा जाल्टन इब्राहिमोविच पुनः क्लब फर्किनुभएको छ । यस्तै अर्को खेलमा नापोलीमाथि ३–१ को जित निकालेको इन्टर मिलान शिर्ष स्थानमा उक्लिएको छ ।
