जुम्ला – जुम्लाको तिला गाउँपालिका–९ स्थित सेरा फूलबारी पाटनमा जडीबुटी संकलन गर्न गएका १२ जना आइतबार राति घर फर्किएका छन् । गत बिहीबार पाटन गएका उनीहरु सम्पर्कबिहीन थिए ।
जडिबुटी टिप्न गएका तिला गाउँपालिका–९ ढिपु गाउँका धनबहादुर बोहोरा, छविराज बोहोरा, जंग रावत, सुमबहादुर बोहोरा, नरवीर बोहोरा, तुलु बोहोरा, ननिलाल रावत, सूर्य रावत, कल्पना बोहोरा, लाउरी बोहोरा, रेश्मा बोहोरा र मनमाया बोहोरा र नरबहादुर बोहोर सकुशल घर आइपुगेका वडाध्यक्ष शेरबहादुर बोहोराले बताउनुभयो ।
निमित्त प्रमुख जिल्ला अधिकारी देवेन्द्रप्रसाद श्रेष्ठले बेपत्ता भएको सूचना पाएपछि उद्धारका लागि सुर्खेतमा हेलिकप्टेर तयारी अवस्थामा राखे पनि सबै सकुशल घर फर्किएको आएकाले स्थगित गरिएको जानकारी दिनुभयो ।
