काठमाडौँ – वीरगञ्जमा हेल्थकेयर अस्पतालमा उपचाररत कोरोना संक्रमित एक पुरुषको गएराति मृत्यु भएको छ । मृत्यु हुनेमा वीरगञ्ज महागढीमाई नगरपालिका–१० का ६० वर्षीय पुरुष रहेका छन् । उनको गएराति १० बजेर ५ मिनेटमा मृत्यु भएको हो ।
उनको स्वाब गत साउन १४ गते संकलन गरिएको र सोही दिन कोरोना संक्रमण पुष्टि भएको थियो । त्यसपछि साउन १४ गतेदेखि नै उनी अस्पताल भर्ना भएर उपचार गराउँदै आएका थिए । ती पुरुषमा कोरोना संक्रमणका साथै टाइप टु डायबिटिज लगायतको समस्या पनि रहेको अस्पतालले जनाएको छ ।
