सोलुखुम्बु : सोलुखुम्बुको नेचा सल्यानमा एक महिला मृत अवस्थामा भेटिएकी छिन् । नेचा सल्यान गाउँपालिका २ की २५ वर्षीया लिलामाया राईलाई मृत अवस्थामा भेटिएको सोलुखुम्बु प्रहरीले जनाएको छ ।
जिल्ला प्रहरी कार्यालय सोलुखुम्बुका प्रहरी प्रमुख प्रहरी नायव उपरीक्षक कबित कटवालका अनुसार बुधबार बिहान लिलामायालाई आफ्नै घरमा मृत अवस्थामा भेटिएको हो । श्रीमान गुणराज राईसंगै लिलामाया समेत साँझको खाना खाएर सुतेको बताइएको छ । लिलामाया बिहान मृत भएको थाहाँपाएपछि श्रीमान गुणराजले छिमेकीलाई खबर गरेका थिए । मृतकको शरीरमा चोट समेत देखिएको प्रत्यक्ष दर्शीले बताएका छन् ।
घटनामा संलग्न भएको आशंकामा मृतकको पतिलाई नियन्त्रणमा लिएको बताइएको छ । शवको पोष्टमार्टमका लागि जिल्ला अस्पताल फाप्लुमा राखिएको छ भने घटनाबारे अनुसन्धान भइरहेको प्रहरीले जनाएको छ ।
