सोलुखुम्बु : सोलुखुम्बुको माप्य दुधकोशी गाउँपालिका वडा नम्बर २ बासाका ४ जना बालबालिका बेपत्ता भएका छन । परिवारका अनुसार शनिबार साँझ ५ बजे देखि उनीहरु बेपत्ता भएका छन् ।
स्थानिय कृष्ण बहादुर राईका छोराहरु १२ बर्षिय तुषण राई, ८ वर्षिय सुदिप राई जिल्ला प्रहरी कार्यालय सोलुखुम्बुका प्रहरी निरिक्षक मन्दीप चौहानले जानकारी दिनुभयो । प्रहरीका अनुसार सोही गाउँका आङछिरि राईको ७ वर्षिया छोरा फ्रान्सीस राई र साढे २ वर्षिया छोरी सिजल राई बेपत्ता छन् ।
साँझपख खेल्नभनी घरबाट निस्केका उनीहरु नफर्किएको बासाखाली माध्यामिक विद्यालयका प्रधानाध्यापक कुमार राज श्रेष्ठले जानकारी दिनुभयो । उहाँका अनुसार शनिबार साँझ देखिनै गाउँलेले खोजी कार्य जारी राखेपनि हाल सम्म अवस्था पत्तालागेको छैन । उनीहरुलाई देख्ने जोकोहीले ९८४४६६०५०८ मा सम्पर्क गरि खबर गरिदिन परिवारले अनुरोध गरिएको छ ।
