काठमाडौं : पछिल्लो २४ घण्टामा देशभर थप २ हजार ७५ जना कोरोना संक्रमित थपिएका छन्। ७ हजार ७०३ पीसीआर र ५ हजार ३७२ जनाको एन्टीजेन परीक्षणका क्रममा २ हजार ७५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
यो सँगै कुल संक्रमितको संख्या ७ लाख ४५ हजार ७३१ पुगेको छ। कुल संक्रमितमध्ये ३९ हजार ३२१ सक्रिय संक्रमित छन्। गत २४ घण्टामा २ हजार ३८२ जना संक्रमित निको भएका छन्। यो सँगै देशभर निको हुनेको संख्या ६ लाख ९५ हजार ९२५ पुगेको छ। हाल ३६ हजार १५ जना होम आइसोलेसन र ३ हजार ३०६ जना संस्थागत आइसोलेसनमा छन्।
४२३ जना क्वारेन्टाइन, ७१८ जना आइसीयू र १६६ जना भेन्टिलेटरमा रहेको मन्त्रालयले जनाएको छ। पछिल्लो २४ घण्टामा ३० जना संक्रमितको मृत्यु भएको मन्त्रालयले जनाएको छ।योसंगै कोरोना संक्रमणबाट मृत्यु हुनेको संख्या १० हजार ४८५ पुगेको छ।
