काठमाडौं : नेपालका लागि नयाँ भारतीय राजदूतका रुपमा विनय मोहन क्वात्रा चयन हुनुभएको छ । यसअघि फ्रान्सका राजदूत रहनुभएका क्वात्रालाई भारतले नेपालका लागि राजदूतका रुपमा पठाउन लागेको हो ।
सन् १९८८ मा उनी कूटनीतिक सेवामा प्रवेश गरेका क्वात्रा यसअघि सन् २०१७ अगस्टसम्म फ्रान्सका लागि भारतीय राजदूत हुनुहुन्थ्यो। उहाँले भारतीय विदेश मन्त्रालय र प्रधानमन्त्री कार्यालयमा सहसचिवका रूपमा काम गरिसक्नुभएको छ।
उहाँले सार्क सचिवालयमा सन् २००६ देखि २०१० सम्म निर्देशकको रूपमा नेपालमा बसेर काम गर्नुभएको थियो । नेपालका लागि भारतीय राजदूत मञ्जीव सिंह पुरीले आफ्नो कार्यकाल सकाएर स्वदेश फर्किएपछि क्वात्रा नेपालको राजदूतका रुपमा आउनुहुनेछ।
