काठमान्डौ : गैरआवासीय नेपाली संघ अमेरिकाको ट्रेड एण्ड टुरिजम प्रमोसन प्रमुखमा आङ जाङबु शेर्पा निर्वाचित हुनुभएको छ । सोलुखुम्बुको लिखुपिके गाउँपालिका १ हाल न्युयोर्क अमेरिका निवासी आङ जाङबु शेर्पा ट्रेड एण्ड टुरिजम प्रमोसन प्रमुखमा आङ जाङबु शेर्पा निर्वाचित हुनुभएको हो ।
गैरआवासीय नेपाली संघ एनआरएनए अमेरिकाको ४ नोभेम्बर २०१९ को निर्णय अनुसार उहाँ चयन हुनुभएको हो । लामो समय देखी अमेरिकामा बसोबास गर्ने शेर्पा नेपालमा रहदा पर्यटन व्यवसायी समेत भएकोले नेपालको पर्यटनको बिषयमा जानकार समेत रहेको मानिन्छ । गैरआवासीय नेपाली संघ बिदेशमा बस्ने नेपालीहरुको सबैभन्दा ठुलो संगठन हो । नेपाल भ्रमण बर्ष २०२० मा गैरआवासीय नेपाली संघ (एनआरएनए)को महत्वपुर्ण भुमिका रहने मानिन्छ ।
