दाङ : चिसापानीमा ट्याक्टर दुर्घटना हुँदा तीनजनाको मृत्यु भएको छ भने १७ जना घाईते भएका छन् । शुक्रबार वनभोज गएका यात्रु बोकेको उक्त ट्याक्टर दुर्घटना हुँदा तीनजनाको मृत्यु भएको छ । मृत्यु हुने तीनैजना किशोरी रहेको प्रहरीले जनाएको छ ।
रा १ त २३९३ नम्बरको ट्याक्टर दुर्घटनामा परि मृत्यु हुनेहरूको पहिचान नखुलेको प्रहरीले जनाएको छ । घाइतेहरूलाई उपचारको लागि लमही अस्पतालमा ल्याइएको छ । गढवा गाउँपालिका ६ चिल्लेका किशोर, किशोरी वनभोजको लागी गढवा गाउँपालिका ५ चिसापानी पुगेका थिए ।
