सोलुखुम्बु : सोलुदुधकुण्ड नगरपालिका वडा नम्बर ५ को कुनिखोपमा भालुको आक्रमणबाट एक जना गम्भीर घाइते भएका छन् । घर नजिकैको जंगलमा घाँस काट्न गएका स्थानिय ६६ वर्षीया श्रीमान तामाङलाई भालुले आक्रमण गरि घाइते बनाएको हो ।
तामाङको अनुहार सहित शरिरका विभिन्न अंगमा गहिरो चोट रहेको जिल्ला प्रहरी कार्यालय सोलुखुम्बुका सुचना अधिकारी तथा प्रहरी निरीक्षक उत्तम कार्कीले जानकारी दिनुभयो । आज मध्यन्न साढे १२ बजेको समयमा उक्त घटना भएको प्रहरीले जनाएको छ । प्रहरी निरीक्षक कार्कीका अनुसार तामाङलाई जिल्ला अस्पताल फाप्लुमा प्राथमिक उपचार पछि थप उपचारका लागि काठमाडौ लगिएको छ ।
