संखुवासभा : खाँदबारीबाट बिरामी लिएर धरानतर्फ जाँदै गरेको जीप अरुण नदीमा खस्दा ६ जना बेपत्ता भएका छन् । प्रहरीले दिएको जानकारी अनुसार गएराति धर्मदेवी नगरपालिका–८ स्थित अक्करको भिरबाट नदीमा खस्दा ६ जना बेपत्ता भएका हुन् ।
को १ ज ३७४९ नम्बरको बोलेर जीप राति साढे १० बजेको समयमा सीधै अरुण नदीमा खसेर बेपत्ता भएको हो । जीप अरुणमा खसेपछि खाँदबारीबाट तत्कालै प्रहरीको टोली परिचालित भएको प्रहरी नायव उपरिक्षक मिम लामाले जानकारी दिए । तर केही दिनदेखिको वर्षातले उर्लिएको अरुणमा जीप पुरै डुबेकाले उद्धारमा समस्या भएको उनको भधनाई छ । अहिलेसम्म चालकको मात्रै नाम खुलेको छ । बिरामी र अन्य यात्रुको पहिचान हुन नसकेको प्रहरीले जनाएको छ ।
