आफ्ना छोरालाई प्रहरीले रोक्न खोजेपछि पूर्वयुवराज पारस शाह आक्रोशित हुदै सुरक्षार्थ खटिएका प्रहरीलाई दुर्व्यवहार गरे पछि सामाजिक संजाल मार्फत पारस शाह को आलोचना चर्कियो । पारस शाह ले दुर्व्यवहार गरेको विषयमा प्रहरीले आन्तरिक छानविन सुरु गरेको छ। यहि विषय मा चर्को आलोचना चलेपछि पारस शाहले माफी मागेका छन् र आफ्नो गल्ति बारे जनता ले मुल्यांकन गरुन भन्दै आफ्नो भावना व्यक्त गरेका छन् ।
पूर्वयुवराज पारस शाहले हिजो भएको घटनाको सम्बन्धमा फेसबुकमार्फत् स्पष्टीकरण दिएका छन् उनले स्पष्टीकरणमा लेखेका छन् ” मेरो आमा उपचारको क्रममा बैंकक जाने क्रममा त्रिभुवन अन्तर्राष्ट्रिय विमानस्थलमा जब त्यहाँका प्रहरी अधिकृतले मेरो छोरामाथि डण्डा बर्साए एउटा बाबुको नाताले मैले सहन सकिन र उनीमाथि जाइलागे त्यसैपनि म आमाको बिरामीले खराब मनस्थितिमा थिए मैले जे गरे एउटा बाबुको नाताले गर्नुपर्ने कर्तब्य गरे यो कुराको छिनोफानो म नेपाली जनतालाई दिन्छु!”
अन्तर्राष्ट्रिय विमानस्थल सुरक्षा कार्यालयमा कार्यरत प्रहरी नायव निरीक्षक (सई) ईश्वर खत्रीलाई आइतबार शाहले दुर्व्यवहार गरेका थिए।
